Ce dist Garin qui pas ne ment,
qui d'un chevalier nos raconte
une aventure en icest conte,
qui avoit merveilleus eür
Et ge vos di tot asseür
que il faisoit les cons paller
quant il les voloit apeler,
et li cus qu'iert en l'escharpel
respondist bien a son appel.
p. 145 :
El dormir, vos di sanz mençonge
que la dame sonja un songe,
q'ele ert a un marchié annel.
Ainz n'oïstes parler de tel !
Ainz n'i ot tel estal ne bojon,
ne n'i ot loge ne maison,
changes, ne table, ne repair,
o l'an vandist ne gris ne vair,
toile de lin, ne draus de laine,
ne alun, ne bresil, ne graine,
ne autre avoir, ce li ert vis
fors solement coilles et viz.
Mais de cez i ot sanz raisons :
plaines estoient les maisons
et les chambres et li solier,
et tot jorz venoient colier
chargiez de viz de totes parz,
et a charretes et a charz.
Ja soit ce c'assez en i vient,
n'estoient mie por noiant,
ainz vendoit bien chascun lo suen.
Por trente saus l'avoit en buen,
et por vint saus et bel et gent.
Et si ot viz a povre gent :
un petit avoit en deduit
de dis saus, et de neuf et d'uit.
A detail vandent et en gros,
li plus chier et li miauz gardé.
La dame a par tot resgardé,
tant s'est traveilliee et penee
c'a un estal est asenee
qu'ele en vit un gros, un lonc,
si s'est apoiee selonc.
Gros fu darriere et gros par tot,
lo musel ot gros et estot.
p. 340 :
Car je vos di bien de recief
pités de cul trait lent de cief.
Vos qui les dames despités,
sovigne vos de ces pités
que vos sentés a icele eure
qu'ele est desos et vos deseure !
Qui cele dolçor vielt sentir,
bien doit s'amie consentir
grant partie de son voloir,
comment qu'il doive doloir.
Car cil n'est pas gentius ne frans,
qui a cief de fois n'est sofrans ;
car se me feme me dist lait,
se je m'en vois, ele le lait.
Et qui dont le volroit respondre,
Il feroit folie d'espondre.
Encor vient mels que je m'en voise
que je la fiere d'une boisse.
p. 196 :
Li dist : Vaslez, venez tost ça !
Ma norrice se correça
de ce que mon foutre enportastes
et vostre grue me laissastes.
Par amor, venez lou moi rendre ;
Ne devez pas vers moi mesprendre !
Venez, si faites pes a moi !
- Ma damoisele, je l'otroi !
Fet li vaslés. Lors monte sus ;
La demoisele giete jus
et entre les janbes li entre,
si li enbat lou foutre el ventre.
Quant ot fet, tantost s'en ala,
mes la grue pas n'i laissa,
ainz l'en a avec soi portee.