Michel de Montaigne

Car si les maux n'ont entrée en nous, que par nostre jugement, il semble qu'il soit en nostre pouvoir de les mespriser ou contourner à bien.
Si les choses se rendent à nostre mercy, pourquoy n'en chevirons nous, ou ne les accomoderons nous à nostre advantage ?

Si ce que nous appelons mal et tourment n'est ny mal ny tourment de soy, ainsi seulement que nostre fantaisie luy donne cette qualité, il est en nous de la changer : et en ayant le choix, si nul ne nous force, nous sommes estrangement fols de nous bander pour le party qui nous est le plus ennuyeux ; et de donner aux maladies, à l’indigence et au mespris un aigre et mauvais gout, si nous le pouvons donner bon ; et si la fortune fournissant simplement de matière , c'est à nous de luy donner la forme.
(Ed La Pleiade p.258)