Le Roy […] luy demande en riant, comme sçais-tu que c’est deu vin Grec que tu a beu, veu qu’il estoit entre d’autres bouteilles pleines d’autres vins? L’archer asseura le Roy que c’estoit du vin Grec qu’il auoit beu, car, disoit il au Roy, beuuant à mesme la bouteille, le vin qui en sortoit, & tomboit en ma gorge, disoit, & faisoit Grec, Grec, Grec. Le Roy se print si fort à rire, qu’il dit que pour rien du monde il n’eust voulu auoir beu ce vin.
En cette Serre, il se trouva quelqu’un, qui parloit si hault, que nous pensions tous auoir la Deesse Echo en nos oreilles […] durant le souper il nous auoit si fort rompu la teste, que nous fusmes quasi contraincts de nous leuer de table.
Il y'a mille inventions pour faire parler les femmes , mais pas une seule pour les faire taire .