Bernard Ribémont

Oiéz, seignor, franc chevalier honeste,
Girars tinst Blaivies, si acuita la terre,
Hermenjart prinst, la gentil dammoiselle.
Cil dou païs en firent moult grant feste,
Grans sont les noces et la feste i est belle.
Moult s'entr'amerent, ce raconte la geste.
Un fil il orent, plus bel ne covint iestre,
Plus de mil home en löent Deu et servent.
Il le tramistrent Renier le fil Gontelme,
Cil le leva des sains fons et de l'aigue.
Jordains ot non et tuit ainsiz l'apellent,
Puis crut l'anfant teuls dolors et teuls guerre,
Plus de mil home en perdirent les testes,
Dont la chansons conmence.