Nabu Press

(V 986 - 1025) Le sacrifice de Beatrix

Daurel si es el banc asetiatz,
Plora del vuelh, a sos cabelh tirat[z],
Tant s'a batut lo pieh e lo[s] costat[z]
Que per la boca lh'en es lo sanc ragatz.
Aiso diiz el : « Cautieu, malayratz,
« Ta mala fuei en cest loc aribatz !
« Selh do renfan tost sera(y) pessegalz
« E s'ieul retenh , el er saíns crematz. »
Ploro li filh e cason esblasmatz
La molher plora, venguda Ih'es de latz :
« Amix, » dit ela, t fort vos desconortat[z].
— Oi eu , ma dona , que mala fui a nc natz ;
« Ben conoc aras que soy descoselhatz.
Amiga bona, quinh cosselh mi donatz
Ditz Biatris : « Filh e vos autres
« So qu'ieus diriei e vos altres fasatz. »
Tuh li respondo : « Dona, quens so celat[z]?
« Que anc digas veus nos aparelhatz
Nos o farem si cum vos comandatz.
— Vec vos aissi aquest efan que jatz :
« Vostre frayre [es] e mos filh propiatz
En una nueh ambidoi foro natz,
a Batejet lo lo duc qu'es traspasatz
« En aicel pali e vos Tevolopatz ,
« E Betonetz el bresolet colgatz,
« E nostre filh al traïdor portalfz],
« E de luy fasa totas sas volontatz :
« Morra mos filh , mosenher er salvatz! »
Tuh tres respondo : « Dieus ne sia lauzatz!
« D'aquest coseilh bens tenem per pagatz. »
Daurel ieis foras, so filh porta el bras;
L'efas fom bels, car fon be aleutat[z].
Daurel dit a Guis : « L'efan m'aseguratz,
« Que negun mal vos noqualhui fassat[z],
So ditz lo tracher : « Ben per ver sapiatz
« Noilh farai mal, ans sera be gardatz. »
Daurel loilh baila et el lo pren viatz,
Descubri li la cara e la fatz :
« Beto , » ditz Gui , « bem m'erat escapat[z],
Em breu de temps seres be noirigatz.