Marcu Ceccarelli

Marcu Ceccarelli est décédé ce printemps... Poète, gardien d'une culture corse qui lui était précieuse, homme délicieux et délicat , que malheureusement Mijouet n'a eu que deux occasions de rencontrer chez lui, à deux pas du port de Porti Vecchiu.

Alors ce poème de circonstance: Abbracciu


L'istati hè finitu, hè ghjunta l'ora
Di licinziassi da li so fiddoli
Chi pà stintà u pani vani fora
À vedal' un antr' annu, si Diu voli...

I zitidduchji tutti insunnachjiti
Circani di sapè parchi sò ritti
È di i so ochji sempri russuriti
Fighjòlani à quiddi chi stani zitti!

Finita a libartà in a natura
I salti caprittini in a filetta
A cuddera stintata di li mura
I capicciòttuli in acqua schjetta...

Finiti i spassighjati 'n a furesta
Cù u ghjàcaru fideli in cumpagnia
Chi abbaghjendu li facia festa
È a sera à li so peda ni durmia ...

D'un sguardu lacrimosu si fighjola
Un batellu spari à l'orizonti
In celi un puntu neru chì ni bola
È chì si ni sparisci fra li monti ...

Si volta in casa u cori scunsulatu
Indu' sò spinti i risi è u rimori
Si scopri un ghjuculeddu sminticatu
In un agnu piattu di lu curridori ...

Abbracciu, eternu abbracciu, abbracciu corsu
Abbracciu di partenza, strappacori
Chi tutti l'anni lascia u so morsu
In cori di li tinti ginitori !!!

Marcu Ceccarelli