Enguerrand de Monstrelet

Après les armes faictes, chevaliers et escuiers s’entremirent en faisant telle chière que merveilles; et avoient chascune des parties fait venir vin et viandes ; et là y avoit tentes et pavillons, où tables furent mises, et aussi les queues de vin effonsées surles bous ; et Dieu scet la chière que chascun faisoit l’un à l’autre. Lebastart de Bourbon et Cotte Brune s’entredonnèrent dons de chevaulx et d’aucuns gracieulx habillemens de guerre. Là estoit Louvelet de Masinguehem, escuierd’escuirie du duc de Bourgoingne, qui portoit ung manteau tout chargié de blans doublés qu’il donna auxofficiers d’armes du party du roy; puis, preindrent congié les ungs des aultres, bien et doulchement; etretournèrent chascun en son party.»