La scolti, dotor: a mi l'Ungheria no me ga mai piasso, digo la verità. La vol un esempio? Lei la va dal medico in Ungheria, bon, la se imaginassi mai? La fa la fila più che qua a Trieste! Te rivi, te se senti con le altre signore, te capissi chi xe l'ultima dopo venti minuti de interrogatorio perché qualche rimbambida no manca mai e dopo... I riva 'sti mone de rappresentanti. E i passa avanti! No ghe digo la rabbia! Te perdi una meza matinada ogni volta che te va. E mi vado spesso. Per le palpitazioni, la sa? Bon, ma a parte questo, in Ungheria el fato grave xe la cusina! Gulash! Gulash! Gulash! No te magni altro che gulash: ma miga come che se fa el gulash qua a Trieste, che mi me piasi 'sai, tipo spezzatino, che xe quel bon sughetto che dopo te pol tociar anche meza s'ciopeta... No! El gulash dei Ungheresi xe una minestra, con tochi de carne e verdura che i galegia qua e là senza saver dove 'ndar... Ara, una roba che no se pol dir!
Bora a novanta. Qualchidun, per prudenza, sta serà in casa, ma non la nostra scritrice. La signorina Austen ga spetà 'sto momento con impazienza: che gusto ghe xe star a Trieste senza vignir ciapada a s'ciafe dal suo famoso vento?
- Se la va al mercato e la chiedi un eto de radiceto la venderigola ghe pol risponder "Volontieri" che significa?
- Che mi darà il radicchio - rispondi l'otimista.
- No, che no ghe darà niente. E questo perché noi triestini con "volontieri" intendemo dir "volontieri ghe dassi, ma no go niente de quel che lei la volessi cior!".
- [...] Ti, inveze de pianzer, te ghe cominci a urlarghe drio...
- Urlarghe cossa?
- Una roba tipo: "Ah Massimiliano, te ga deciso de 'ndar in Messico? Mona! Lassime dir mona...".
- Ma xe l'Imperator!
- Sissignora, ma xe anca tuo mari. Se una a un mari no lo ciama almeno una volta al giorno mona, che moglie la xe?
- Dunque, cara, lei la devi saver che l'omo e la dona no ga gnente in comun. L'omo pero el ga assolutamente bisogno de una moglie e la zerca disperatamente.
- Per amarla e onorarla sopra ogni cosa? - chiedi Morena citanto le Scritture.
- No. Per lamentarse.
La vederà, signorina Austen, qua a Trieste la se troverà benissimo. Del resto, xe una dele cità più dinamiche de tuto l'Impero asburgico. I miei concitadini i va mati per ogni tipo de novità.
- A proposito: iera gente al mio funeral?
- Ja. Tutta Vienna era in lacrime! Tutti a dire "Povera Sissi! Povera Sissi!".
- Uh, quante storie! No iera miga morta Romy Schneider!
- Io con te rischierei qualsiasi cosa! O amore, cosa c'è di più forte dell'amore?
- La Bora... -, rispondi Sissi.