Bili er Mor

Un dastumad danevelloù eo al levr-se. En o zouesk an div zanevell em eus karet ar muiañ a zo :
– ar gloued :
Kontet e vez istor ur plac'h yaouank da vare hanter kentañ an ugentved kantved desavet war ar maez.Bevañ a ra gant he mamm en un atant bihan, he zad a zo ul labourer dre zevezh ha ne c'hounez ket kalz arc'hant. Klask a ra labour amañ hag ahont : adsevel un ti e Brest, dastum beterabez war-zu ar Somme. Ouzhpenn-se lonket e vez gantañ ur bern eus an arc'hant gounezet en ostalerioù da evañ banneoù. Ha feuls e vez gant e wreg. Teir c'hoar ha daou vreur he deus ar plac'h (unan eus he c'hoar a zo marvet hag a chom hini muiañ karet he mamm, evel e c'hoarvezh alies gant envorioù a re marvet)
Ur vuhez drist ha kalet spontus a zo ganti :
Pa vez he breudeur ha c'hoarezed en o skol lojañ, e chom anezhi he unan gant nebeut a evezh diouzh he mamm hag he zad.
Gouelañ a ra e-pad an deiz, hep den ebet d'he frealziñ. Aon he deus d'en em gousket en he gwele, ha meur a gwallhuñvre a zeu d'he dihuniñ. Ha n'eus den ebet d'he selaou. Den ebet d'he c'harout hervez he soñj hag divizet eo ganti en em lazhañ. met diskoachet eo he mennad ha pa vez tapet gant he mamm e vez kastizet daoust m-a z'eo ur pec'hed en em lazhañ
– kanerez Sant Trevel :
Liammet eo an istor-se gant mojenn Konomor ha Santez Trifina. Istor Ronan, mab ur moraer hag ur vusianez aet da get en un doare kevrinus. Erruet d'an oad gour e ra Ronan, anaoudegezh gant Marianna ur ganerez. Kouezhañ a raint e karantez, met dont a raio sot gant ar warizi pa vo dizoloet gantañ e anavez e dad Marianna. Ur mallozh klasel a-walc'h nevesaeet amañ gant donezon.

Ul levr plijus, gant meur a danevelloù dedennus pe fromus. (levezonet a-wechoù gant spered ar vigoutaerien)
Plijet e oan bet da lenn ur yezh gant ur gevreadurezh ken pinvidik, tost a-walc'h ouzh ar yezh komzet.
implijet e vez ar verb gouzout evel ur verb skoazell :(da skouer p 130 : setu e ouzomp mont da c'hortoz ar c'harr boutin (= gortoz a reomp ar c'harr boutin )