Ovide

Daedalus ingenio fabrae celeberrimus artis
ponit opus turbatque notas et lumina flexu
ducit in errorem variarum ambage viarum .
Non secus ac liquidus Phrygius Meandrus in arvis
ludit et ambiguo lapsu refluitque fluitque
occurensque sibi venturas aspicit undas
et nunc ad fontes, nunc ad mare versus apertum
incertas exercet aquas, ita Daedalus implet
innumeras errore vias vixque ipse reverti
ad limen potuit; tanta est fallacia tecti .