Pierre de Ronsard

Madrigal pour Astrée

L'homme est bien sot qui aime sans cognoistre.
J'aime et jamais je ne vis ce que j'aime ;
D'un faux penser je me deçoy moy-mesme,
Je suis esclave et ne cognois mon maistre.

L'imaginer seulement me fait estre.
Comme je suis en une peine extresme.
L'oeil peut faillir, l'aureille fait de mesme,
Mais nul des sens mon amour n'a fait naistre.
(...)
Ou je suis fol ; encore vaut-il mieux
Aimer en l'air une chose incognuë
Que n'aimer rien, imitant Ixion*,
Qui pour Junon embrassoit une nuë.