Mau-grat l'aversita dòu vènt marin
la sounado de l'ome de la gacho
s'es pas ensourdado
la sounado sènso noum
que dis poussiblo
uno terro avenidouiro
la sounado di dous cai
un istant bout à bout
pèr lou rescontre di contràri
la sounado prefoundo
la sounado pèr que vibre la noto bluio
la sounado pèr councepcioun
de moumen suspendu
Au desvers de la mountiho que duro
lou jour rescontro soun evenimen
jour vela di sablo óublidado
jour desvela à visto dis iéli-de-mar
au pèd de la mountiho que duro
l'imperata dis ren sus ço que vèn
de dela la mountiho que duro
la lachusclo empuro
la gau inameisablo de l'amour avengu