SATAN:
Venez avant, et à grands pas.
Gardez que ressembliez pas
Au vilain qui va à l'offrande.
Que vous veut ou que vous demande
Votre seigneur? Il est bien fier.
THEOPHILE:
Voire, Sire. Il fut chancelier,
Mais veut me chasser pour pain querre
Or vous viens prier et requerre
Que vous m'aidez en ce besoin.
SATAN:
Me requiers-tu?
THEOPHILE:
Oui.
Ahi ! Ahi ! Diex, rois de gloire,
Tant vous ai eü en memoire
Tout ai doné et despendu
Et tout ai aus povres tendu :
Ne m'est remez vaillant un sac.
Bien m'a dit li evesque « Eschac ! »
Et m'a rendu maté en l'angle.
Sanz voir m'a lessié tout sangle.
Or m'estuet il morir de fain,
Si je n'envoi ma robe au pain.
Et ma mesnie que fera ?
Ne sai se Diex les pestera…
Diex ? Oïl ! Qu'en a-t-il a fere ?
En autre lieu l'escovient trere,
Ou il me fet l'oreille sorde,
Qu'il n'a cure de ma falorde.
Et je l referai la moe :
Honiz soit qui de lui se loe !
N'est riens c'on por avoir ne face :
Ne pris riens Dieu ne sa manace.
Irao me je noier ou pendre ?
Je ne m'en puis pas a Dieu prendre,
C'on ne puet a lui avenir.
Ha ! Qui or le porroit tenir
Et bien batre a la retornee,
Molt avroit fet bone jornee !
Mes il s'est en si haut leu mis
Por eschiver ses anemis
C'on n'i puet trere ne lancier.
(Oeuvres complètes, Le Livre de poche 2005, p. 534)