Poèmes d'amour des XIIe et XIIIe siècles

Bele Doette as fenestres se siet
Lit en un livre, mais au cuer ne l'en tient
De son ami Doon li ressovient
Qu'en autres terres est alez tornoier.
E or en ai dol.

Uns escuiers as degrez de la sale
Est descenduz, s'est destrousset sa male.
Bele Doette les degrez en avale
Ne cuide pas oïr novele male.
E or en ai dol.

Bele Doete tantost li demanda:
Ou est mes sires, que ne vi tel pieç'a
Cil ot tel duel, que de pitié plora:
Bele Doette maintenant se pasma.
E or en ai dol.

Chanson de toile

Ausi conme unicorne sui
Qui s'esbahist en regardant,
Quant la pucelle va mirant.
Tant est liee de son ennui,
Pasmee chiet en son giron;
Lors l'ocit on en traïson.
Et moi ont mort d'autel senblant
Amors et ma dame, por voir :
Mon cuer ont, n'en puis point ravoir.

TH de Champagne, Comme unicorne suis...