LI DIZ DE FREIRE DENIZE LE CORDELIER
Li abis ne fet pas l’ermite ;
S’uns hom en hermitage abite
Et il en a les dras vestus,
Je ne pris mie .ij. festus
Son abit ne sa véstéure,
S’il ne maine vie ausi pure
Comme son abit nous démonstre ;
Mès maintes genz font bele monstre
Et merveilleux sanblant qu’il vaillent :
Il sanblent les arbres qui faillent
Qui furent trop bel au florir.
Bien devroient tels genz morir
A grant dolor et à grant honte.
I. proverbe dist et raconte
Que tout n’est pas or c’om voist luire :
Por ce m’estuet ains que je muire
Fere .i. ditié d’une aventure
De la plus bele créature
Que l’en puisse trover ne querre
De Paris jusqu’en Engleterre ;
Vous dirai comment il avint.
RUTEBEUF – Hommage de Léo Ferré (RFLR, 1991)
L'émission "Ferré c'est extra", par Jean Chouquet, diffusée le 29 mars 1991 sur Radio France Languedoc Roussillon. Présence : Léo Ferré s'entretenant avec Jean Chouquet.