Pierre de Ronsard

Ciel, air & vents, plains & monts descouvers,
Tertres fourchuz, & forestz verdoyantes,
Rivages tortz & sources ondoyantes,
Taillis razez, & vous bocages verds,
Antres moussus à demyfront ouvers,
Prez, boutons, fleurs, & herbes rousoyantes,
Coustaux vineux, et plages bolondoyantes,
Gastine, Loyr, & vous mes tristes vers :
Puis qu'au partir , rongé de soing & d'ire,
A ce bel œil, je n'ay sceu dire
Qui pres & loing me detient en esmoy :
Je vous supply, ciel, air, ventz, montz & plaines,
Taillis, forestz, rivages & fontaines,
Antres, prez, fleurs, dictes le luy pour moy.

p. 43
Classiques Garnier - Edition de H. et C. Weber - 1993