Philippe de Commynes

Mainte oeuvre se fait en ce monde par imagination.

Au saillir de mon enfance, et en l'âge de pouvoir monter à cheval, je hantai à Lisle vers le duc Charles de Bourgongne, pour lors appelé comte de Charolois, lequel me print à son service: et fut l'an mil quatre cens soixante et quatre. Quelques trois jours après arrivèrent audit lieu de Lisle les ambassadeurs du roy, où estoit le comte d'Eu, le chancelier de France, appelé Morvillier, et l'archevesque de Narbonne. Et en la présence du duc Philippe de Bourgongne et dudit comte de Charolois, et tout leur conseil, à huys ouvers, furent ouÿs lesdits ambassadeurs; et parla ledit Morvillier fort arrogamment, disant que ledit comte de Charolois avoit fait prendre, luy estant en Hollande, un petit navire de guerre, party de Dieppe, auquel estoit un bastard de Rubempré, et l'avoit fait emprisonner, luy donnant charge qu'il estoit là venu pour le prendre, et que ainsi l'avoit fait publier partout, et par especial à Bruges, où hantent toutes nations de gens estranges, par un chevalier de Bourgongne appellé messire Olivier de La Marche.

Une fois le serment prêté, notre Roy de France, qui avait la parole bien à son commandement, se mit à dire au Roy d’Angleterre, en plaisantant -. Qu’il fallait qu’il vint à Paris, qu’il lui ferait fête, ainsi que les dames, et qu’il lui donnerait Monseigneur le cardinal de Bourbon comme confesseur, car il était homme à l’absoudre très volontiers de ses péchés, si d’aventure il en avait commis, car il pouvait témoigner que ledit cardinal était bon compagnon