Buona pulcella fut Eulalia.
Bel avret corps bellezour anima.
Voldrent la veintre li d[õ] inimi.
Voldrent la faire diavle servir.
5Elle nont eskoltet les mals conselliers.
Quelle d[õ] raneiet chi maent sus en ciel.
Ne por or ned argent ne paramenz.
Por manatce regiel ne preiement.
Niule cose non la pouret omq[ue] pleier.
10La polle sempre n[on] amast lo d[õ] menestier.
E por[ ]o fut p[re]sentede maximiien.
Chi rex eret a cels dis soure pagiens.
Il[ ]li enortet dont lei nonq[ue] chielt.
Qued elle fuiet lo nom xp[ist]iien.
15Ellent adunet lo suon element
Melz sostendreiet les empedementz.
Quelle p[er]desse sa virginitet.
Por[ ]os suret morte a grand honestet.
Enz enl fou lo getterent com arde tost.
20Elle colpes n[on] avret por[ ]o nos coist.
A[ ]czo nos voldret concreidre li rex pagiens.
Ad une spede li roveret tolir lo chief.
La domnizelle celle kose n[on] contredist.
Volt lo seule lazsier si ruovet krist.
25In figure de colomb volat a ciel.
Tuit oram que por[ ]nos degnet preier.
Qued avuisset de nos xr[istu]s mercit
Post la mort & a[ ]lui nos laist venir.
29Par souue clementia.